قصة قصيرة
قصة انا و البنات قصة قصيرة بس فيها عبرة كبيرة بتورينا ان الاخ مهما كان طيب احيانا ممكن يطمع لكن فى النهاية كل شئ بيرجع لاصله و الاخ الطيب لازم هيرجع لاصله اقروا القصة للنهاية و مستنيه رايكم فى التعليقات و انتظروا منا قصص قصيرة اخري قريبا اتمني لكم قراءة ممتعة
قصة قصيرة انا و البنات
اخيرا البيت فضي و اخر ضيف مشي و هقدر ادخل اوضتي انام و ارتاح .. انا نفسي انام ٥ ايام متواصلين هموت من الارهاق
بقالنا ييجي اسبوعين البيت كان مقلوب بسبب فرح جميله أختي الصغيرة
انا حسام و دي حكايتي مع اخواتي البنات ،
من حوالي ١٠ سنين ابويا مات و سابني و ساب في رقبتي ٣ بنات و ساب لي فدانين ارض
ابويا مكانش كبير في السن لكنه كان مريض بفيروس الكبد سي و حالته فضلت تسوء و مقدرش يقاوم المرض و توفاه الله
وهو علي فراش الموت وصاني و كان بيبكي و قال لي من بين دموعه انا سايب البنات امانه في رقبتك يا بني
ابويا كرر كلمته كتير و قال انا متطمن عليهم عشان انت موجود يا حسام ، حط اخواتك في عنيك و اوعي تزعلهم ملهمش غيرك بعد ربنا
ابويا كان فعلا باين عليه التعب الشديد و الالم ، بكاءه خلاني ابكي و حلفتله يومها أن اخواتي في عنيا ، ابويا دخل في غيبوبة و فضل فيها لحد ما توفي ، الله يرحمه .
موت ابويا كسر ضهري و حسيت بالحمل اللي متعلق في رقبتي و انا عندي يا دوب ٢٠ سنه ، ٣ بنات انا هكون مسئول عنهم الكبيرة نبيله ١٦ سنه و اميرة ١٢ سنه و جميله ٩ سنين ، خلص العزاء و دخلت البيت لاول مرة و ابويا مش موجود فيه ، و شفت اخواتي و همه قاعدين جنب بعض كأنهم كتله واحده ، كأنهم خايفين من حاجه مجهوله و بيتحاموا ف بعض .
رحت مباشرة قعدت في وسطهم و كان نفسي اقول لهم متزعلوش ابوكوا كأنه موجود و كلام من اللي بنتصبر بيه ، جت جميله رمت نفسها عليا و اتفتحت في العياط بصوت عالي و يا دوبك دقيقه لقيت الاتنين التانيين همه كمان بقوا يعيطوا بصوت عالي مقدرتش اعمل حاجه غير اني اقول لا اله الا الله وحدوا الله يا بنات و انا مش قادر امسك دموعي .
في اللحظة دي انا اخدت عهد علي نفسي انفذ وصية ابويا و أحافظ علي اخواتي و مخليش حتي نسمة الهوا تجرحهم
ارضنا زراعيه و ارض خير في احسن مكان في زفتي ( زفتي مدينة تابعه ل محافظة الغربية ) احنا اصلا اهلنا مزارعين بس ابويا طول عمره كان بيجيب عمال يزرعوا الأرض عمره ما نزلنا الأرض انا أو اخواتي حتي المواشي بتاعتنا ناس تانيه هي اللي بتراعيها لنا و بياخدوا جزء من الإنتاج
و انا قررت امشي علي نفس النظام انا هراعي الأرض و هجيب عمال يفلحوا فيها و عمري ما هنزل اخواتي الغيط
البنات دول ارق من أنهم يتبهدلوا في الغيط
اخواتي كانوا حلوين اوي و مؤدبين الحمد لله نبيله اهي داخله تالته ثانوي ربنا يوفقها ، بعد فترة الحزن و الحداد الدنيا رجعت تمشي عادي و انا كنت بشيل كل حاجه تزعل و كل هم و كل مشكله و أبعدها عن اخواتي البنات كنت عامل حواليهم زي ستاره لونها وردي عشان ميشوفوش لون الحياه الحقيقي
نبيله خلصت ثانوي و اهي دلوقتي في تانيه كلية آداب و متقدم لها عريس ، و مش اي عريس ، ده ابن عضو مجلس الشعب ، زميلها في الجامعه و بيروحوا و ييجوا في القطار سوا ، و لما سألتها عن رأيها سكتت قلت لها الف مبروك ياختي ♥️♥️
جهزنا نبيله بأحسن جهاز و اتعمل لها أكبر فرح في البلد و راحت بيتها و هي مبسوطه و ربنا يهنيها و انا بسلم عليها في شقتها بعد ما وصلناها قالت لي ربنا يخليك لينا و ما يحرمنا منك ياخويا انا حاسه ان ابويا عايش مماتش
كلمة نبيله ريحت قلبي و حسيت اني نفذت جزء من وصية ابويا الله يرحمه .
نبيله ربنا أكرمها ب ولد سمته حسام و اد ايه كنت فرحان بيه و سعادتي متتوصفش و قالت لي علي اسمك يبقي انت مسئول عنه و انا مكدبتش خبر رحت جبت له هدوم و العاب و سرير و كل الحاجات اللي بتيجي للبيبي و دبحت له عجل و وزعته لله احتفالا ب حسام
نبيله في السبوع قالت لي دائما رافع راسي يا حبيبي ربنا يخليك لينا و دي كانت تاني كلمه قالتها نبيله و ريحتني ، رديت و قلت لها ده خيرك يا نبيله و حقك قالت لي انا مش عايزة منك حاجه ياخويا و متنازله لك عن حقي …
سنه و التانيه لقيت اميره و جميله كبروا فجأه ، متعرفش البنات بتكبر امتي ؟ امبارح تبقي بتجري في الشارع حافيه و بضفيرتين و النهارده تلاقيها واقفه قدامك آنسه و جايبالك وراها الخطابين ..
اميرة اتخطبت لابن الجيران ، راجل جدع و ابن اصول و طيب ، صحيح يعني هو مش غني زي جوز نبيله بس من أمتي الرجاله بتتقاس بالفلوس ، انا قلت مادام شاريها و هي عايزاه يبقي بارك الله لهما و بارك عليهما و جمع بينهما في خير ..
في جهاز اميره انا كنت متوصي شويه عشان عارف انها رايحه علي بيت بسيط ، جبت لها كل حاجه بزياده و كل حاجه كانت بتبقي تقيله علي العريس شلتها انا عشان افرح اختي ، حتي تكاليف الفرح نفسه انا اللي دفعتها .
اتجوزت اميره و انا عندي ٢٨ سنه و سمعت منها كلام شبه اللي قالته نبيله حمدت ربنا كتير و دعيت لابويا بالرحمه
حاسس براحه كبيرة اني قدرت انفذ وصيته و فرحت اخواتي البنات
كده فاضل لي بس جميله و مش شايل هم كبير لأنها جميله فعلا و مؤدبه جدا ،
ياااه بقي عندي ٢٨ سنه اد ايه العمر بيجري بسرعه ، فكرت و قلت أنا افتكرت الكل و نسيت نفسي
جميله دخلت كلية التجارة ، واهو يا دوب هي دخلت تانيه جامعه من هنا و لقيت نبيله و حماها و اخو حماها جايين يزورونا
انا استغربت الزيارة بس عادي رحبت بيهم و عملت لهم عشاء
قعدنا بعد العشاء حما اميرة اللي اتكلم و قال بص يا حسام يا بني نبيله اختك زينة البنات و الكل بيحبها و من حبنا في نبيله عايزين ناخد جميله اختها قلت ايه
قلت له تاخدوها فين يا عمي ؟
قال الصراحه احنا جايين نطلب ايد جميله ل سليم ابن اخويا و متخافش عليها يا بني دي في عنينا
قلت له طب سيبني اسألها ،، لقيت نبيله بتبسم و بتغمز لي
ابتسمت و قلت لها في ايه يا نبيله قولي
قالت الحقيقه ياخويا انا اتكلمت معاها و هي معندهاش اعتراض ، ابتسمت و قلت هسألها بردو عشان تحس احساس العروسه ، الناس ضحكوا و أنا قمت عشان اسأل جميله لقيتها ورا الباب و مستخبيه في الستارة و بتضحك
ضحكت لها و قلت لها ماشي يا جميله خلاص فهمت ، الف مبروك
قالت لي الله يبارك فيك يا بابا و جت باستني من خدي
و عملت لها زي اخواتها و جوزتها و وديتها بيتها و رجعت
البيت خلاص فضي عليا انا و امي و جه الدور عليا بقا
انا عارف انا عايز ايه
البت سها بنت خالي حسين مجنناني بس مكنتش فاضيلها و اديني فضيت
بعد فرح جميله ب شهر رحت لخالي انا و امي و نبيله اختي و خطبنا سها و بدأت اعيش اجمل قصة حب
سها جميله و رقيقه و رومانسيه عوضتني عن كل الوقت اللي عدي عليا و انا لوحدي
انا قلت بقي انا كبرت خلاص و مش هقعد استني فترة خطوبه و تعارف ما انا عارف سها من و هي عيله صغيرة و خير البر عاجله
اتجوزنا و عملنا فرح كبير مشافتوش البلد قبل كده ، و كأن سها وش الخير يا دوب عدي كام شهر و عرفت أن ارضنا دخلت كردون المباني ، ده معناها أننا بقينا مليونيرات
رحت جري قلت ل سها و طارت من الفرحه ، بس بعدها بييجي ساعتين لقيتها جايه تقولي بقولك ايه يا حسام قلت لها نعم
قالت هو الفدان زراعي يعمل له كام
قلت لها بعمل كام يعني ايه
قالت يعني سعر الفدان زراعي ييجي كام
قلت لها ييجي ٣ مليون
قالت لي طب احنا عايزين نطلع ورث البنات دلوقتي
قلت لها اشمعنا همه مطلبوش حاجه
قالت ما تبطل طيبتك دي بقي
و فهمتني خطتها
قالت احنا هنشتري الأرض من البنات و نديلهم ورثهم بسعر الأرض الزراعية و لما تدخل كردون تبقي بتاعتنا لوحدنا
حسيت أن قلبي وجعني و اني بظلم اخواتي
بس سها مدتنيش فرصه افكر
قالت لي يا حبيبي انت عملت لهم الواجب و زياده و مقصرتش في حقهم و همه دلوقتي في بيوتهم مرتاحين مش محتاجين حاجه و بعدين لما كل واحده تاخد لها مليون ايه اللي همه عايزينه اكتر من كده ؟
الحقيقة انا اقتنعت بكلام سها و فعلا نفذته و لما قلت لأخواتي اني عايز اطلع لهم ورثهم اتكسفوا و قالوا مش عايزين حاجه كلامهم ريحني و خدر ضميري بس انا قلت لهم ده حقكم
و فتحنا لكل واحده حساب بنكي حطيناا فيه فلوسها و كانوا مبسوطين خالص بس بيني و بين نفسي انا عارف اني سرقت اخواتي و نصبت عليهم
الأرض دخلت فعلا كردون المباني و سعرها اتضرب في ١٥ بس همه كانوا فاكرين انها دخلت الكردون بعد ما انا اشتريتها و مش فاهمين اني نصبت عليهم و من طيبتهم كانوا فرحانين ليا و بيقولوا ربنا عمل لك كده عشان انت تستاهل
كلامهم كان بيوجعني بس كنت شايفهم فعلا راضيين و مش زعلانين
و عدت السنين و همه راضيين و مبسوطين ، بس انا مكنتش راضي و لا ربنا كان راضي
١٠ سنين عدوا و انا ربنا مرزقنيش بطفل و مفيش دكتور مرحناش ليه و كلهم بيأكدوا أن مفيش مشكله و لا عندي و لا عند سها و بيطلبوا مننا بس نصبر و ربنا عنده كل حاجه بمقدار و بميعاد
انا هموت من القهر و مش قادر اشوف حياتي بتروح هدر من غير ما يبقالي في الدنيا طفل و لا طفله
قعدت مع سها و قلت لها شفتي يا سها ضحكنا علي اخواتي و خدنا ورثهم ادينا هنفضل كده لغاية ما تموت عشان يورثونا و حقهم يرجع لهم و بكيت كتير كتير لغاية ما النهار طلع و انا قاعد ابكي
قمت و انا واخد قرار اني رايح ع الكعبة
انا هروح اطلب من ربنا العفو في أرضه المقدسه
فعلا خلصت الإجراءات و سافرت
عملت العمرة و بعدين رحت قعدت قدام الكعبه و قلت يا رب انا مش هقوم من هنا الا لما احس انك عفوت عني
بعد ١٢ يوم من الصلاة و الدعاء و البكاء قدام الكعبه شفت في المنام اخواتي البنات اميره و نبيله شايلين حاجه و جايين ناحيتي و مبتسمين و حطوا الحاجه اللي في ايدهم علي رجلي ببص لقيتهم ولدين صغيرين ملفوفين في بطانيات صغيرة و صحيت
سجدت شكرا لله و كلمت المحامي و انا لسه في السعوديه و فهمته يجهز كل الورق و المستندات لغاية ما ارجع
رجعت البيت و جمعت اخواتي و عزمتهم علي الغداء و بعد ما اكلنا حكيت لهم الحقيقة كامله و طلبت منهم السماح و كنت مجهز لكل واحده فيهم عقد يثبت حقها اترجيتهم يمضوا و ياخدوا حقهم و يسامحوني
عملت كده و استنيت الفرج و تحقيق الحلم ، بعدها ب ٥ شهور بس سها قالت لي انها عملت اختبار الحمل و كان إيجابي
الدنيا مكانتش سايعانا من فرحتنا و اخواتي البنات كانوا فرحانين بينا و حتي شوية الزعل اللي بيننا راحوا اول ما عرفوا أن سها حامل
بدأنا نتابع مع دكتور و المفاجأة كانت سها حامل في توأم
سجدت شكرا لله
و أيقنت وقتها أن أكل الحقوق بيحرم الإنسان من الخير و أنك لو قدرت تضحك علي الناس عمرك ما هتقدر تضحك علي ربنا
حمدنا ربنا كتير و ولادنا وصلوا بالسلامه و سميناهم زين و كريم ربنا يخليهم و يبارك فيهم
تمت
ابويا كان فعلا باين عليه التعب الشديد و الالم ، بكاءه خلاني ابكي و حلفتله يومها أن اخواتي في عنيا ، ابويا دخل في غيبوبة و فضل فيها لحد ما توفي ، الله يرحمه .
موت ابويا كسر ضهري و حسيت بالحمل اللي متعلق في رقبتي و انا عندي يا دوب ٢٠ سنه ، ٣ بنات انا هكون مسئول عنهم الكبيرة نبيله ١٦ سنه و اميرة ١٢ سنه و جميله ٩ سنين ، خلص العزاء و دخلت البيت لاول مرة و ابويا مش موجود فيه ، و شفت اخواتي و همه قاعدين جنب بعض كأنهم كتله واحده ، كأنهم خايفين من حاجه مجهوله و بيتحاموا ف بعض .
رحت مباشرة قعدت في وسطهم و كان نفسي اقول لهم متزعلوش ابوكوا كأنه موجود و كلام من اللي بنتصبر بيه ، جت جميله رمت نفسها عليا و اتفتحت في العياط بصوت عالي و يا دوبك دقيقه لقيت الاتنين التانيين همه كمان بقوا يعيطوا بصوت عالي مقدرتش اعمل حاجه غير اني اقول لا اله الا الله وحدوا الله يا بنات و انا مش قادر امسك دموعي .
في اللحظة دي انا اخدت عهد علي نفسي انفذ وصية ابويا و أحافظ علي اخواتي و مخليش حتي نسمة الهوا تجرحهم
ارضنا زراعيه و ارض خير في احسن مكان في زفتي ( زفتي مدينة تابعه ل محافظة الغربية ) احنا اصلا اهلنا مزارعين بس ابويا طول عمره كان بيجيب عمال يزرعوا الأرض عمره ما نزلنا الأرض انا أو اخواتي حتي المواشي بتاعتنا ناس تانيه هي اللي بتراعيها لنا و بياخدوا جزء من الإنتاج
و انا قررت امشي علي نفس النظام انا هراعي الأرض و هجيب عمال يفلحوا فيها و عمري ما هنزل اخواتي الغيط
البنات دول ارق من أنهم يتبهدلوا في الغيط
اخواتي كانوا حلوين اوي و مؤدبين الحمد لله نبيله اهي داخله تالته ثانوي ربنا يوفقها ، بعد فترة الحزن و الحداد الدنيا رجعت تمشي عادي و انا كنت بشيل كل حاجه تزعل و كل هم و كل مشكله و أبعدها عن اخواتي البنات كنت عامل حواليهم زي ستاره لونها وردي عشان ميشوفوش لون الحياه الحقيقي
نبيله خلصت ثانوي و اهي دلوقتي في تانيه كلية آداب و متقدم لها عريس ، و مش اي عريس ، ده ابن عضو مجلس الشعب ، زميلها في الجامعه و بيروحوا و ييجوا في القطار سوا ، و لما سألتها عن رأيها سكتت قلت لها الف مبروك ياختي ♥️♥️
جهزنا نبيله بأحسن جهاز و اتعمل لها أكبر فرح في البلد و راحت بيتها و هي مبسوطه و ربنا يهنيها و انا بسلم عليها في شقتها بعد ما وصلناها قالت لي ربنا يخليك لينا و ما يحرمنا منك ياخويا انا حاسه ان ابويا عايش مماتش
كلمة نبيله ريحت قلبي و حسيت اني نفذت جزء من وصية ابويا الله يرحمه .
نبيله ربنا أكرمها ب ولد سمته حسام و اد ايه كنت فرحان بيه و سعادتي متتوصفش و قالت لي علي اسمك يبقي انت مسئول عنه و انا مكدبتش خبر رحت جبت له هدوم و العاب و سرير و كل الحاجات اللي بتيجي للبيبي و دبحت له عجل و وزعته لله احتفالا ب حسام
نبيله في السبوع قالت لي دائما رافع راسي يا حبيبي ربنا يخليك لينا و دي كانت تاني كلمه قالتها نبيله و ريحتني ، رديت و قلت لها ده خيرك يا نبيله و حقك قالت لي انا مش عايزة منك حاجه ياخويا و متنازله لك عن حقي …
سنه و التانيه لقيت اميره و جميله كبروا فجأه ، متعرفش البنات بتكبر امتي ؟ امبارح تبقي بتجري في الشارع حافيه و بضفيرتين و النهارده تلاقيها واقفه قدامك آنسه و جايبالك وراها الخطابين ..
اميرة اتخطبت لابن الجيران ، راجل جدع و ابن اصول و طيب ، صحيح يعني هو مش غني زي جوز نبيله بس من أمتي الرجاله بتتقاس بالفلوس ، انا قلت مادام شاريها و هي عايزاه يبقي بارك الله لهما و بارك عليهما و جمع بينهما في خير ..
في جهاز اميره انا كنت متوصي شويه عشان عارف انها رايحه علي بيت بسيط ، جبت لها كل حاجه بزياده و كل حاجه كانت بتبقي تقيله علي العريس شلتها انا عشان افرح اختي ، حتي تكاليف الفرح نفسه انا اللي دفعتها .
اتجوزت اميره و انا عندي ٢٨ سنه و سمعت منها كلام شبه اللي قالته نبيله حمدت ربنا كتير و دعيت لابويا بالرحمه
حاسس براحه كبيرة اني قدرت انفذ وصيته و فرحت اخواتي البنات
كده فاضل لي بس جميله و مش شايل هم كبير لأنها جميله فعلا و مؤدبه جدا ،
ياااه بقي عندي ٢٨ سنه اد ايه العمر بيجري بسرعه ، فكرت و قلت أنا افتكرت الكل و نسيت نفسي
جميله دخلت كلية التجارة ، واهو يا دوب هي دخلت تانيه جامعه من هنا و لقيت نبيله و حماها و اخو حماها جايين يزورونا
انا استغربت الزيارة بس عادي رحبت بيهم و عملت لهم عشاء
قعدنا بعد العشاء حما اميرة اللي اتكلم و قال بص يا حسام يا بني نبيله اختك زينة البنات و الكل بيحبها و من حبنا في نبيله عايزين ناخد جميله اختها قلت ايه
قلت له تاخدوها فين يا عمي ؟
قال الصراحه احنا جايين نطلب ايد جميله ل سليم ابن اخويا و متخافش عليها يا بني دي في عنينا
قلت له طب سيبني اسألها ،، لقيت نبيله بتبسم و بتغمز لي
ابتسمت و قلت لها في ايه يا نبيله قولي
قالت الحقيقه ياخويا انا اتكلمت معاها و هي معندهاش اعتراض ، ابتسمت و قلت هسألها بردو عشان تحس احساس العروسه ، الناس ضحكوا و أنا قمت عشان اسأل جميله لقيتها ورا الباب و مستخبيه في الستارة و بتضحك
ضحكت لها و قلت لها ماشي يا جميله خلاص فهمت ، الف مبروك
قالت لي الله يبارك فيك يا بابا و جت باستني من خدي
و عملت لها زي اخواتها و جوزتها و وديتها بيتها و رجعت
البيت خلاص فضي عليا انا و امي و جه الدور عليا بقا
انا عارف انا عايز ايه
البت سها بنت خالي حسين مجنناني بس مكنتش فاضيلها و اديني فضيت
بعد فرح جميله ب شهر رحت لخالي انا و امي و نبيله اختي و خطبنا سها و بدأت اعيش اجمل قصة حب
سها جميله و رقيقه و رومانسيه عوضتني عن كل الوقت اللي عدي عليا و انا لوحدي
انا قلت بقي انا كبرت خلاص و مش هقعد استني فترة خطوبه و تعارف ما انا عارف سها من و هي عيله صغيرة و خير البر عاجله
اتجوزنا و عملنا فرح كبير مشافتوش البلد قبل كده ، و كأن سها وش الخير يا دوب عدي كام شهر و عرفت أن ارضنا دخلت كردون المباني ، ده معناها أننا بقينا مليونيرات
رحت جري قلت ل سها و طارت من الفرحه ، بس بعدها بييجي ساعتين لقيتها جايه تقولي بقولك ايه يا حسام قلت لها نعم
قالت هو الفدان زراعي يعمل له كام
قلت لها بعمل كام يعني ايه
قالت يعني سعر الفدان زراعي ييجي كام
قلت لها ييجي ٣ مليون
قالت لي طب احنا عايزين نطلع ورث البنات دلوقتي
قلت لها اشمعنا همه مطلبوش حاجه
قالت ما تبطل طيبتك دي بقي
و فهمتني خطتها
قالت احنا هنشتري الأرض من البنات و نديلهم ورثهم بسعر الأرض الزراعية و لما تدخل كردون تبقي بتاعتنا لوحدنا
حسيت أن قلبي وجعني و اني بظلم اخواتي
بس سها مدتنيش فرصه افكر
قالت لي يا حبيبي انت عملت لهم الواجب و زياده و مقصرتش في حقهم و همه دلوقتي في بيوتهم مرتاحين مش محتاجين حاجه و بعدين لما كل واحده تاخد لها مليون ايه اللي همه عايزينه اكتر من كده ؟
الحقيقة انا اقتنعت بكلام سها و فعلا نفذته و لما قلت لأخواتي اني عايز اطلع لهم ورثهم اتكسفوا و قالوا مش عايزين حاجه كلامهم ريحني و خدر ضميري بس انا قلت لهم ده حقكم
و فتحنا لكل واحده حساب بنكي حطيناا فيه فلوسها و كانوا مبسوطين خالص بس بيني و بين نفسي انا عارف اني سرقت اخواتي و نصبت عليهم
الأرض دخلت فعلا كردون المباني و سعرها اتضرب في ١٥ بس همه كانوا فاكرين انها دخلت الكردون بعد ما انا اشتريتها و مش فاهمين اني نصبت عليهم و من طيبتهم كانوا فرحانين ليا و بيقولوا ربنا عمل لك كده عشان انت تستاهل
كلامهم كان بيوجعني بس كنت شايفهم فعلا راضيين و مش زعلانين
و عدت السنين و همه راضيين و مبسوطين ، بس انا مكنتش راضي و لا ربنا كان راضي
١٠ سنين عدوا و انا ربنا مرزقنيش بطفل و مفيش دكتور مرحناش ليه و كلهم بيأكدوا أن مفيش مشكله و لا عندي و لا عند سها و بيطلبوا مننا بس نصبر و ربنا عنده كل حاجه بمقدار و بميعاد
انا هموت من القهر و مش قادر اشوف حياتي بتروح هدر من غير ما يبقالي في الدنيا طفل و لا طفله
قعدت مع سها و قلت لها شفتي يا سها ضحكنا علي اخواتي و خدنا ورثهم ادينا هنفضل كده لغاية ما تموت عشان يورثونا و حقهم يرجع لهم و بكيت كتير كتير لغاية ما النهار طلع و انا قاعد ابكي
قمت و انا واخد قرار اني رايح ع الكعبة
انا هروح اطلب من ربنا العفو في أرضه المقدسه
فعلا خلصت الإجراءات و سافرت
عملت العمرة و بعدين رحت قعدت قدام الكعبه و قلت يا رب انا مش هقوم من هنا الا لما احس انك عفوت عني
بعد ١٢ يوم من الصلاة و الدعاء و البكاء قدام الكعبه شفت في المنام اخواتي البنات اميره و نبيله شايلين حاجه و جايين ناحيتي و مبتسمين و حطوا الحاجه اللي في ايدهم علي رجلي ببص لقيتهم ولدين صغيرين ملفوفين في بطانيات صغيرة و صحيت
سجدت شكرا لله و كلمت المحامي و انا لسه في السعوديه و فهمته يجهز كل الورق و المستندات لغاية ما ارجع
رجعت البيت و جمعت اخواتي و عزمتهم علي الغداء و بعد ما اكلنا حكيت لهم الحقيقة كامله و طلبت منهم السماح و كنت مجهز لكل واحده فيهم عقد يثبت حقها اترجيتهم يمضوا و ياخدوا حقهم و يسامحوني
عملت كده و استنيت الفرج و تحقيق الحلم ، بعدها ب ٥ شهور بس سها قالت لي انها عملت اختبار الحمل و كان إيجابي
الدنيا مكانتش سايعانا من فرحتنا و اخواتي البنات كانوا فرحانين بينا و حتي شوية الزعل اللي بيننا راحوا اول ما عرفوا أن سها حامل
بدأنا نتابع مع دكتور و المفاجأة كانت سها حامل في توأم
سجدت شكرا لله
و أيقنت وقتها أن أكل الحقوق بيحرم الإنسان من الخير و أنك لو قدرت تضحك علي الناس عمرك ما هتقدر تضحك علي ربنا
حمدنا ربنا كتير و ولادنا وصلوا بالسلامه و سميناهم زين و كريم ربنا يخليهم و يبارك فيهم
تمت
اقرأ ايضا قصتنا الجميلة رحيم القصة التى حازت على اعجاب القراء بسبب بطلها صاحب الشخصية الرائعه