رواية كاملة - قصة شيري حب حياتى

 قصة وعبرة

زوجتى و المدير

 

لو بتدور عن قصص فيها عبرة اتفضل هنا دى واحدة من القصص اللي هتعجبك و بالذات نهايتها بغد قراءتها لازم تسيبولى رأيكم فى التعليقات و هرد بنفسي عليكم قراءة ممتعة 

قصة و عبرة

قصة و عبرة زوجتى و المدير

النهارده اهم يوم في حياتي.. انا هطير من السعادة سعيت كتير و اجتهدت كتير و بقالي كتير جدا مستني اليوم ده و مكنتش مصدق أنه هييجي 

النهارده انا اتقبلت اخيرا في الشركة اللي بقالي شهور و انا بحاول اقدم فيها و عملت المستحيل عشان يقبلوني و ميعاد المقابله مع المدير الساعه ١٢ الظهر و الساعه دلوقتي ١٠ يعني يا دوبك اقوم اجهز عشان متأخرش ع الانترڤيو انا همسك منصب مهم جدا و الحمدلله عندي كل الإمكانيات اللي تأهلني للمنصب ده

• بالله عليكي يا سناء ساعديني احسن انا متلخبط خالص

• حاضر يا اشرف انت محتاج اعمل ايه

• جهزيلي البدله الكحلي و اكوي القميص بتاعها لغاية ما اخد شاور

• تمام

دخلت اخدت الشاور و خرجت لبست و اتحركت علي طول علي عنوان الشركه

قابلني في الريسبشن موظفة الاستقبال و عرفتها بنفسي و قالت لي ميعادك فعلا تقابل المدير الساعه ١٢ اتفضل انتظر 

قعدت استني و التوتر هيموتني و عمال ادعي أن انا اعجب المدير و اتقبل في الشغل ، وقتها يبقي حلم حياتي اتحقق

ميعادي جه و دخلت المدير راجل في الأربعينات وسيم و شكله رياضي و مهتم بنفسه استقبلني بابتسامه و قال لي اتفضل اقعد تشرب ايه قلت شكرا و لا حاجه

كان عنده واحده ست جميله و فاتنه و لبسها جميل جدا و اول ما انا دخلت هي كانت قاعده علي الكرسي اللي قدام مكتب المدير و لما انا قعدت في الكرسي المقابل ليها وقفت و ابتسمت للمدير و قالت 

خلاص زي ما اتفقنا يا محمد بيه ، قال لها تمام يا سوزي

قالت باي باي بدلع و شاورت بايديها و خرجت تتمشي بمنتهي الدلال

انا و المدير مشلناش عنينا عنها

بعد ما خرجت المدير غمز لي و قال 

• ايه رأيك

• حتة جاتوه بالقشطه

• المدير قال بابتسامه ليها معني تحب تدوق

• ضحكت و قلت و الله نفسي جدا  بس انا متجوز دي كانت سناء مراتي تقتلني 

• قال جمد قلبك كده ، انا الموظفين بتوعي لازم يبقوا أسود

• قلت له انا اسد طبعا بس مقدرش علي قلبة سناء

قعدنا اتكلمنا شويه ، كان بيكلمني عن حاجات كتير جدا مختلفه بس مقالش و لا كلمة تخص الشغل و لما كنت اسأله كان يقول يا عم اتطمن انا لو رضيت عنك اعتبر نفسك اشتغلت

وراني صوره ل يخت جميل جدا و قال لي ده بقي عرين الاسد ، اليخت ده ياما شاف ليالي حلوة و مفيش واحده راحت معايا اليخت و اتفرجت عليه إلا لازم اخدها افسحها فيه للصبح اللي تدخل اليخت بالليل تطلع منه بالنهار و انا محبش اللي يقول لي لا

استغربت من كلامه ده تقريبا بيعترف لي بكل صراحه أنه راجل أخلاقه مش تمام و في الاخر قال

• عموما احنا هنا وقتنا انتهي و انا حابب اتعرف عليك اكتر بره المكتب ، انا خارج انا و سوزي بالليل تعالي أسهر معانا انت و المدام اهو نشوف زوقك و نكمل كلامنا و لو عجبتوني اعتبر نفسك معانا من بكره

اداني عنوان المكان اللي هيسهروا فيه و قال عالساعه ٩ مساءا متتأخروش

قلت له تمام بس فضلت كلمة لو عجبتوني معلقه في دماغي و روحت و قلت ل سناء أننا هنخرج النهارده مع مدير الشركه و عايزها تكون في ابهي و اجمل صورة و سناء جميله اصلا

رحنا فعلا و اول ما دخلت المكان بصيت حواليا هو عبارة عن مطعم كبير بس متقسم كل ركن فيه طراز الكراسي و الترابيزات شكل

دورت علي المدير لقيته قاعد و جنبه سوزي في ركن اضاءته خافته و الكراسي فخمه جدا

رحنا قعدنا معاهم في الكراسي المقابله ليهم و جت قعدتنا انا قصاد سوزي و سناء قصاد المدير و عرفتهم علي سناء و بدأ المدير يتكلم

• نورتي المكان يا مدام سناء ، طلتك في منتهي الشياكه

• سناء / شكرا يا فندم من زوق حضرتك

• لا بقي مفيش يا فندم و لا الرسميات دي انا يعتبر أننا في الشركه عيله واحده و اشرف هيشتغل معانا يعني انتوا بقيتوا من العيله

• اشرف / اه طبعا ده شرف لينا

• المدير/ بس حقيقي فستانك يهبل يا سناء لائق علي عودك و علي بشرتك. حتة كنافه بالمانجه

سناء شرقت و فضلت تكح و انا اطبطب عليها و قلت لها سلامتك يا حبيبتي مالك

قالت معلش عايزاك دقيقه ، 

قلت لها قولي عايزة ايه

قالت لا معلش علي انفراد 

لسه يبتسم و هرد عليها راحت دايسه علي رجلي بكعب جزمتها فرمت صوابعي

قلت ااااااه حاضر طيب

قمنا علي جنب لقيتها بتقولي

• ممكن اعرف ايه اللي بيحصل هنا ده

• ايه اللي بيحصل 

• انت هتستعبط يا اشرف ؟ انت مش سامع الراحل بيقول ايه ؟ بيغازلني قدامك و انت قاعد كده عادي

• بس متكبريش الموضوع يا سناء و النبي خلي الليله تعدي انا هموت ع الوظيفه دي

سناء بصت لي بصة فظيعه تقريبا بصة احتقار بس انا عملت نفسي مش واخد بالي من بصتها و قلت تسمحي بقي نرجع نقعد مع الناس قالت لي مااااااشي يا اشرف اتفضل

الحقيقة انا خفت من لهجة التهديد اللي في كلامها بس بلعت ريقي و قلت عادي هي يعني هتعمل ايه ؟ المهم دلوقتي اخد الشغلانه و سناء رضاها سهل بعدين

رحنا فعلا قعدنا و لقيناهم طلبوا لنا عصير قعدنا نشربه و المدير كمل بنفس أسلوبه لغاية ما لقيته بيقول

تعرفي يا سناء انا عندي يخت جميل خالص انا متأكد أنك عمرك ما شفتي زيه 

سناء / اه ما شاء الله ربنا يبارك لك فيه

المدير قال انتي لازم تيجي تشوفيه ده هيبهرك

كل ده و انا ساكت ، و مش عارف اتكلم و اضيع الوظيفه و لا اسكت و ادعي ربنا يسترها قررت في النهايه اسكت و ادعي ربنا يسترها

المدير قال بتأكيد ها يا سناء هتيجي بقى تشوفي اليخت

سناء/ اه أن شاء الله في مره نبقي نيجي نشوفه

المدير ضحك ضحكه بارده و قال لا انا عازمك انتي بس هنلف بيه لفه و نرجع صدقيني هتتبسطي

هنا بقي الكل سكت و طبعا انا اللي مفروض اتكلم في اللحظه دي

فضلت افكر و أودى و اجيب في دماغي و في الاخر قلت 

روحي يا سناء اتفرجي عاليخت

سناء تنحت شويه و برقت عينيها مش مصدقه و بعدين هزت راسها و قالت بتحدي 

• والله يا اشرف ؟ اروح انت معندكش مشكله ؟

• انا / لا مشكله ليه ؟ روحي و ارجعي بالسلامه .

• سناء / تمام اتفضل يا محمد بيه

و خرجوا اول ما طلعوا بره سناء قالت بقول لك ايه يا جدع انت انا مش رايحه معاك اي مكان انا طلعت بس عشان دي احط نهاية للقرف اللي بيحصل ده 

لسه هتكمل كلامها

رد عليها محمد و قال متقلقيش يا مدام سناء انا اصلا معنديش يخت و ابتسم لها و قال متخافيش انا مش هعمل لك حاجه انا مروح بيتي ! و ابتسم لها و قال معاكي فلوس تروحي و لا تحبي اجيب لك تاكسي ارجوكي متتكسفيش انا تحت امرك اعتبرينا اخوات 

سناء استغربت و قالت شكرا انا هستني اشرف هنا عشان انهي المهزله دي 

طب تؤمريني بحاجه 

شكرا

تصبحي علي خير ،،،، و مشي

نرجع لاشرف كمل حكايته و قال

 اتكلمت سوزي اللي كانت قاعدة ساكته طول الوقت لدرجة اني نسيت اصلا انها موجوده

• قالت انت هتسيبها تروح معاه

• اه و ايه المشكله

• طيب اسمح لي اعرفك علي نفسي ، انا سوزي الدهان رئيس مجلس ادارة الشركه و يؤسفني أبلغك انك اترفضت . اللي زيك ملوش مكان في شركتي خصوصا انك بتقدم لمنصب مهم و حساس في الشركه… انا قبل اي شئ يهمني الموظف يبقي محترم و عنده مبادئ و انت مش محترم بالمره و لا عندك اي مبادئ

• ارجوكي يا سوزي هانم و الله انا بقالي كتير مستني الوظيفه دي و صدقيني هتلاقيني عند حسن ظنك

• لا معلش مرفوض ، و المقابله انتهت و علي فكرة الراجل اللي مشي مع مراتك ده مش مدير و لا موظف في الشركه من أصله ، ده ممثل انا جايباه عشان بس يقوم بالدور و علي فكره معرفش هيودي مراتك فين ، ده كان امتحان ليك و انت فشلت

• ابوس ايدك يا هانم انا مستعد اعمل اي حاجه عشان اصلح سوء التفاهم ده

• انت ايه يا اخي ، يعني بدل ما تقوم تجري تنقذ مراتك اللي متعرفش هي ممكن يجرالها ايه بسبب عملتك السودا قاعد هنا تتحايل عشان الوظيفه ؟ انت اللي سماك اشرف ظلمك انت ملكش اي علاقه ب اسمك و علي فكره مراتك مش هيحصل لها حاجه لان الاتفاق بيني و بين الأستاذ محمد الممثل أن دوره بينتهي في المطعم و هيطلع يروح علي بيته و انت اتفضل من قدامي قبل ما اطلب لك الأمن يرميك بره جتك القرف

• طب بس

• امشي من قدامي اتفضل اطلع بره

طلعت بره و انا حاسس ان انا هموت من الندم و كملت الحكايه كمان لما لقيت مراتي واقفه مستنياني قدام المطعم

وقالت لي

• اهلا يا سيد الرجاله

• معلش يا سناء اسمحيلي افهمك

• انت لا تفهمني و لا تكلمني و لا اشوف وشك في بيتي تاني و تبعت لي ورقة الطلاق باحترام بدل ما افضحك و إياك تتكلم كلمة زياده

• بس يا سنا …..

• اخرس خالص و من غير سلام

• طب هدومي طيب

• انت للدرجه دي معندكش دم ، هو ده اللي بتفكر فيه دلوقتي ؟؟ عموما هلمهم و اسيبهم عند البواب و امشي من وشي

وقفت و مش عارف اعمل ايه و لا اروح فين خسرت الشغل و خسرت مراتي و خسرت بيتي ، فعلا اللي بيقرط في أخلاقه و مبادئه يبقي بيفرط في كل حاجه انا بعت نفسي ببلاش و اللي يبيع نفسه ميلومش الا نفسه !!

تمت ..

اقرء هذه القصة ايضا و قل لى رأيك

قصة انا و البنات  من هنا 

تعديل المقال