قصة قصيرة , قصة قصيرة ممتعة . قصة و عبرة , قصة فيلم
حكاية بنت اسمها بعبع
دخلت مكتب مديرى لقيت خطيبته واقفه لازقه فيه و بتتمايص عليه و اول ما شافتني وقفت و اتعدلت و وشها احمر و بصت لي و قالت انتي ازاي تدخلي من غير ما تخبطي عالباب انتي اتجننتي ؟
المدير رد بابتسامه و قال محصلش حاجه يا سلوي اتفضلي يا بهية كنتي عايزة ايه
بهية: كنت عايزة اعرض عليك الريبورت النهائي اللي هيتقدم بكره في البريزنتيشن في اجتماع
سلوى: و حتي لو داخله عشان شغل ، بردو تخبطي عالباب
بهية : بعتذر انا مكنتش اعرف انك هنا
و حتي لو انا مش هنا بردو تخبطي
المدير ( احمد ) : خلاص يا سلوى ، و انا اللي سمحت ل بهية تدخل مكتبي علي طول
سلوى: و ده ليه بقا إن شاء الله
احمد: لأننا المساعدة بتاعتي و بتدخل المكتب كل شويه ف مش منطقي أنها تخبط كل شويه
لا المفروض تخبط بردو
انا : عندك حق يا انسه سلوي ، المفروض انا أنبه اللي جوه المكتب اني هدخل عشان لو في حاجه مينفعش اشوفها
سلوى: قصدك ايه ؟ انتي بتلقحي كلام عليا ؟ انتي قليلة الادب و امشي اطلعي بره
احمد : ايه اللي انتي بتقوليه ده يا سلوى ، اكيد بهية متقصدش و لو سمحتي اعتذري عن الإساءة دي
سلوي: انت كمان بتدافع عنها ؟ طب انا قلت هي هتطلع بره و مش بس بره المكتب دي هتطلع بره الشركة خالص و يا انا يا هي
احمد : بهية موظفه و انتي خطيبتي و مينفعش تتحطوا في مقارنه أو اختيار ، اعتذري عن الإساءة ليها و الموقف خلص و انتهينا
سلوى: طب مش هعتذر يا احمد بيه و البنت دي هتطرد من الشغل ، مفضلش الا البعبع كمان يبقي لها قيمه
انا في اللحظه دي مقدرتش امنع نفسي من العياط كلمة بعبع دي كانت طالعه عليا و انا في المدرسه عشان انا مش جميله و كنت دائما بحط الوان علي وشي عشان ملامحي متبانش و للاسف ما زلت معروفة بيه في الشغل بس محدش بيقولها في وشي ، انا الحمدلله شاطرة جدا في شغلي و ده مخلي المدير بيميزني عن زمايلي حتي الجميلات اللي مهتمين بمظهرهم و طبعا ده عامل حقد كبير ناحيتي و عشان انا مميزة عند المدير خطيبته مش بتطيقني و الحقيقه أنه معجب بشغلي مش بيا انا خالص بس انا معجبه بيه جدا جدا و اكتر حاجه وجعتني في كلامها أنها قالت لي كل الكلام ده قدامه و بالذات كلمة بعبع
المدير كان بيبص لي بكل اهتمام و بص لخطيبته بانفعال و قال : لا يا سلوى انتي كده اتعديتي حدودك ، و انا يا بهية اللي بعتذر لك ، ارجوكي متزعليش
رديت بالعافيه من بين الدموع و قلت خلاص يا فندم انا همشي و التقرير هسيبه علي مكتبي عن اذنك
و خرجت بسرعه من المكتب و جريت علي البيت
امي كانت بره الظاهر انها كانت بتجيب حاجه من السوق
و لما رجعت لقتني استغربت و قالت انتي ليه هنا دلوقتي ؟ انتي كويسه ؟ قلت لها انا سبت الشغل يا ماما ؟ قالت ليه بس ؟ قلت لها عشان انا بعبع ،
امي قالت لي ده انتي قمر و ست البنات
قلت لها ده في عينيكي انتي بس يا ماما
قالت طب متزعليش نفسك انا هجيب لنا اتنين عصير و نقعد وتحكيلي بالراحة ايه اللي مزعلك
و قعدنا انا و ماما نشرب عصير و نتكلم و نضحك
لغاية ما الباب خبط
رحت افتح لقيته احمد
اول ما شافني قال ارجوكي اقبلي اعتذاري و ارجوكي سيبيني ادخل اتكلم معاكي
دخل فعلا و اول ما امي شافته قالت بهية مش راجعه الشغل الا بشروط بصيت لها و غمزت لها و هي بردو مفيش فايدة
احمد : انا تحت امرها و موافق علي كل الشروط
ماما : تزود لها مرتبها
انا : بس يا ماما ايه اللي انتي بتقوليه ده
ماما : اسكتي ، و كمان الموقف اللي حصل النهارده ميتكررش تاني
احمد: مستحيل يتكرر تاني ده وعد
ماما : و كمان بنتي ….. لسه هنتكلم قلت لها ارجوكي خلاص يا ماما ممكن لو سمحتي تجيبي ل مستر أحمد عصير و قلت له اتفضل يا فندم اقعد و معلش علي الكلام اللي قالته ماما
احمد : اولا انا معنديش مشكله و موافق علي كلام والدتك ، ثانيا ينفع يا بهية تسيبيني في يوم زي ده ؟ طب اعمل ايه انا من غيرك ؟
انا : يا مستر أحمد التقرير جاهز و ناقص بس تشوف لو كان فيه ملاحظات أو تعديلات
احمد: تراجعه سوا دلوقتي
انا : بس انا حقيقي مش قادرة ارجع الشركة
احمد : خلاص عندك حل من الاتنين ، يا اما تاخدي ساعتين راحه و ترجعي في الفترة المسائية يا اما انا هقعد اتغدي عندكم النهارده و و نكمل الملاحظات و نتدرب علي البريزنتيشن هنا في بيتكوا
انا : انت تنورنا و الله ☺️☺️
بهية
نعم
انتي مهمه جدا في حياتي اوعي تسيبيني تاني
طب و سلوى
سلوي دي انسانه انانيه ، مبتبصش غير لنفسها انا بالنسبه لها محفظة فلوس
طب و انا 😌
انتي حاجه تانيه ، انتي غير كل البنات و اوعي تتأثري بالكلام بتاعهم دول بس غيرانين منك انتي احلي منهم كلهم و اللي مش مصدق ييجي يشوفك بعنيا
ايه الكلام الحلو ده يا مستر أحمد
مفيش مستر بقى ، انا اسمي احمد بس ، قولي يالله
اقول ايه
قولي يا احمد
…….
طب مش عاملين حاجه غير لما تقولي لي يا احمد 😁
يا احمد
كسوفك جميل ، طب يالله بينا
فين
هنتغدي و نشرب حاجه و نطلع عالشركه مش عايزين نعمل ازعاج لوالدتك
و الله مفيش ازعاج
اسمعي الكلام
حاضر
حاضر يا ايه ؟
حاضر يا احمد 😍.
خرجنا ركبنا عربيته و رحنا اتغدينا و قعدنا شويه نتكلم و طلعنا عالشركة ، بدأنا نشتغل و مع أن المكتب كان عامل زي خلية النحل و الكل شغال و بيتحرك بسرعه ييجي ٥٠ موظف و موظفه حوالينا و مع ذلك انا كنت حاسه ان انا و هو في عالم تاني لوحدنا سامعه صوته هو بس و حاسه بوجوده هو بس ، بعد ما خلصنا الشغل وصلني البيت و مشي و بعدها بحوالي ساعتين لقيت باب البيت بيخبط و شاب من اللي بيشتغلوا توصيل طلبات للمنازل عالباب قالي انتي الانسه بهية سلطان قلت له ايوه انا قالي الصندوق ده لحضرتك
اخدت الصندوق و دخلت البيت و فتحته و المفاجأه كانت جميله و كبيرة
كارت جميل مكتوب عليه
❤️ اوعي تشوفي نفسك في عيون الناس ، خليهم ييجوا يشوفوكي بعيوني ، انتي جوهرة غاليه و عشان تلمع محتاجه اهتمام ❤️
و تحت الكارت فستان جميل جدا و معاه جزمه تليق عليه و علبه فيها اكسسوار رقيق
قلبي كان هيقف من الفرحه
و حضنت الفستان و فضلت الف بيه و حاسه اني طايرة من السعادة
الصبح لما ماما صحيت اتفاجأت بالهديه و قالت شكله بيحبك يا بهيه
قلت لها يحبني ايه يا ماما احنا فين و هو فين
ده بس عشان مظهري يبقي كويس قدام الممولين ، لبست و عملت مكياج خفيف و بصيت في المراية و لقيت نفسي حلوة فعلا و لاول مره اشوف نفسي حلوة
رحت الشركة و احمد كان موجود و دخلت اشرح خطة الشركه للسنه الجديده قدام الممولين و طول ما انا بتكلم مشالش عينه من عليا و بعد ما خلصت اللي في القاعه كلهم سقفوا و احمد كان فخور بيا جدا و البوفيه بدأ و احمد اخد الضيوف عشان يقدم لهم مشروبات و سناكس و بعد شويه لقيته جاي و جايب لي عصير و وقف جنبي و قرب مني و قال ايه الجمال ده كله انتي اختي عقلي و قلبي و لسه هرد لقينا حد من الضيوف جاي بيسأل احمد سؤال ، احمد استأذن و مشي مع الضيف و انا وقفت اشرب العصير بتاعي و ملاحظه ان انا لفت نظر كل الموجودين ، فجأة لقيت صوت جاي من ورايا بيقول براڤو و التفت لقيتها سلوي
افندم ؟ في حاجه
ابدا انا بس جايه اشكرك على اللي عملتيه النهارده
تشكريني ليه
لانك ساعدتينا انا و احمد
انا مش فاهمه
افهمك يا حبيبتي ، احنا كنا محتاجين جدا دعم الممولين دول ما انتي عارفه و بعدين احنا داخلين علي حياه جديده و تجهيزات فرح و التزامات كتير و بصراحه انا لما شديت معاكي امبارح كنا هنخسر البريزنتيشن الحلوة دي و احمد عاتبني ف انا قلت له متقلقش يا حبيبي انا هرسم لك خطه ترجعها في ثواني
خطه ؟؟
اومال انتي فاكرة مين اللي اشتري الفستان و بعت الهديه و كتب الكارت
مين انتي ( انا قلت كده و الدم بيغلي في دماغي )
اه طبعا أنا ، و استني افتكر لك كتبت ايه في الكارت ؟ اه افتكرت - خليهم يشوفوكي بعيوني يا جوهرة و عايزه اهتمام
انا بعد ما سمعت الكلام ده محسيتش بنفسي سبت المكان كله و جريت عالشارع كنت حاسه ان انا مش قادره اتنفس
بعد ما طلعت بشويه سمعت صوت بينادي
بهية …بهية
ممكن تسيبني بقي في حالي و كفايه كده
ممكن اعرف طيب انتي زعلانه ليه و دموعك دي ليه و ليه مشيتي
انت عايز مني ايه ؟ ما الاجتماع نجح و خطتك نجحت ارجع بقا لخطيبتك و سيبني
ارجع لخطيبتي فين يا بهيه ؟ سلوي انا طردتها من المكتب امبارح و من حياتي كلها
سلوي في الشركه جوه و قالت لي انها هي اللي اشترت الهديه و دي خطه بينكم
ايه الجنان ده ؟ لا طبعا تلاقيها عرفت موضوع الهديه من حد من الجواسيس بتوعها ، ما هي مشغله نص الموظفين ل حسابها
بصي يا بهيه انا معجب بيكي من زمان بس مكنتش قادر احدد مشاعري ناحيتك لغاية ما حصل الموقف بتاع امبارح انا مش بس شفت سلوي علي حقيقتها انا كمان شفت مشاعري انا مقدرش تبعدي عني ابدا مش بس في الشغل ، انا عايزك جنبي علي طول انا بحبك ❤️
مد أيده ليا رفعت ايدي و لمست أيده قفل أيده عليها و بص في عنيا و قال احنا هتفضل كده طول العمر ، ايدي في ايدك و محدش هيقدر يبعدنا عن بعض
مش عايزة تقولي لي حاجه
-عايزة اقولك اني حبيتك من اول يوم دخلت فيه الشركه دي و مكنتش اصدق أن اللي انا فيه
ده يحصل في الاحلام حتي
و انا هفضل احبك طول العمر يا بهية يا صاحبة الطله البهيه و العيون الآسرة ❤️❤️
تمت،